భోగి మంటలు సామూహికత, ఐక్యతకు ప్రతీక: దావ వసంత సురేష్

NTODAY NEWS: జగిత్యాల జిల్లా, గొల్లపల్లి మండలం రిపోర్టర్ జగిత్యాల పట్టణంలోని ధరూర్ క్యాంప్ వాకర్ అసోసియేషన్ ఆధ్వర్యంలో నిర్వహించిన భోగిమంటల కార్యక్రమంలో జిల్లా తొలి జడ్పీ చైర్పర్సన్ దావ వసంత సురేష్ పాల్గొన్నారు. ఈ సందర్భంగా ఆమె మాట్లాడుతూ, భోగి మంటలు చలికాలంలో ఉష్ణాన్ని అందించడమే కాకుండా సమాజాన్ని ఒకచోట చేర్చి సామూహికత, ఐక్యతను గుర్తు చేస్తాయని అన్నారు. భోగి మన జీవనశైలికి, ఆలోచనలకు పునరుజ్జీవన సందేశాన్ని అందించే పండుగ అని తెలిపారు. భోగి రోజున పాత వస్తువులను అగ్నికి ఆహుతి చేయడం ఒక ప్రతీక మాత్రమే కాకుండా, పాత ఆలోచనలు, నిరాశ, ద్వేషం, అలసత్వం, ప్రతికూల భావాలను విడిచిపెట్టే మానసిక శుద్ధి ప్రక్రియ అని వివరించారు. ఇది ప్రకృతితో మన అనుబంధాన్ని గుర్తు చేసే పండుగగా పేర్కొన్నారు. ఈ భోగితో చెడును కాల్చి, మంచిని ఆహ్వానించి, కొత్త ఆశలతో ముందుకు సాగాలని ఆకాంక్షిస్తూ నియోజకవర్గ ప్రజలందరికీ హృదయపూర్వక భోగి శుభాకాంక్షలు తెలిపారు. పాల్గొన్నవారు ఈ కార్యక్రమంలో వాకర్ అసోసియేషన్ అధ్యక్షుడు వెంకటేశ్వర్ రావు, మాజీ జిల్లా కేడీసీసీ మెంబర్ ముప్పాల రామచందర్ రావు, బీఆర్ఎస్ నాయకురాలు అనురాధ, వాకర్ అసోసియేషన్ ఉపాధ్యక్షుడు గడిపెల్లి చంద్రశేఖర్ గౌడ్, సెక్రటరీ కొత్త ప్రభాకర్, కో-శాఖ అధికారి కమటల సునీల్, సభ్యులు గాలిపెల్లి విఠల్, లక్ష్మణ్, గంగాధర్, శ్రీనివాస్ సాగర్ గౌడ్, నరసింహ రెడ్డి, ఎల్. శ్రీనివాస్, వేణు, మధుసూదన్ రెడ్డి, భాస్కర చారి, అడ్వకేట్ రాంచందర్, మల్లా రెడ్డి, కమలాకర్ రావు, తొడేటి గంగాధర్ రావు తదితరులు పాల్గొన్నారు. #BhogiCelebrations #Jagityal #CommunityBonding #CulturalTraditions #BRSParty #DavaVasanthaSuresh #FestivalOfUnity #TelanganaNews Follow us on Website Facebook Instagram YouTube