బెల్లంకొండ మండలంలో 13 ఎంపీటీసీ నామినేషన్లు దాఖలు

టీడీపీ తరఫున 11, జనసేన నుంచి రెండు నామినేషన్లు

ప్రశాంత వాతావరణంలో నామినేషన్ల ప్రక్రియ కొనసాగించాలి: ఎన్నికల అధికారి

బెల్లంకొండ | ఎన్ టుడే న్యూస్: బెల్లంకొండ మండలంలో ఎంపీటీసీ ఎన్నికలకు సంబంధించి ఇప్పటివరకు 13 నామినేషన్లు దాఖలైనట్లు ఎన్నికల రిటర్నింగ్ అధికారి తెనాలి రాజు తెలిపారు. తొలి నామినేషన్‌ను లక్ష్మీనారాయణ దాఖలు చేసినట్లు వెల్లడించారు.

దాఖలైన 13 నామినేషన్లలో తెలుగుదేశం పార్టీ తరఫున 11, జనసేన పార్టీ తరఫున రెండు నామినేషన్లు ఉన్నట్లు ఎన్నికల అధికారి వివరించారు. ఈ నెల 23న మరిన్ని నామినేషన్లు దాఖలయ్యే అవకాశం ఉందని తెలిపారు.

ప్రశాంత వాతావరణంలో నామినేషన్లు దాఖలు చేయాలి

అభ్యర్థులు, పార్టీ కార్యకర్తలు నామినేషన్ల ప్రక్రియను ప్రశాంత వాతావరణంలో నిర్వహించుకోవాలని ఎన్నికల అధికారి సూచించారు. ఎన్నికల నిబంధనలను పాటిస్తూ అధికారులకు సహకరించాలని కోరారు.

ఈ కార్యక్రమంలో పీఎస్కే మస్తాన్ షరీఫ్, వెంకటరామిరెడ్డి, గటిపర్తి నాగేశ్వరరావు, రామకృష్ణ తదితరులు పాల్గొన్నారు.