జనగాం గ్రామంలో వరి ధాన్యం కొనుగోలు కేంద్రం ప్రారంభం

రైతుల నుంచి చివరి గింజ వరకు ధాన్యం కొనుగోలు చేస్తాం: చైర్మన్ జంగారెడ్డి

జనగాం, అక్టోబర్ 28 | ఎన్ టుడే న్యూస్‌:

రైతులు పండించిన వరి ధాన్యాన్ని చివరి గింజ వరకు కొనుగోలు చేసేందుకు తెలంగాణ ప్రభుత్వం చర్యలు చేపడుతోందని చైర్మన్ జంగారెడ్డి తెలిపారు. జనగాం గ్రామంలో ఏర్పాటు చేసిన వరి ధాన్యం కొనుగోలు కేంద్రాన్ని ఆయన ప్రారంభించారు.

ఈ సందర్భంగా జంగారెడ్డి మాట్లాడుతూ రైతులు తాము పండించిన ధాన్యాన్ని కొనుగోలు కేంద్రాలకు తీసుకువచ్చి ప్రభుత్వ కొనుగోలు సదుపాయాన్ని వినియోగించుకోవాలని సూచించారు. రైతులకు ఎలాంటి ఇబ్బందులు కలగకుండా ధాన్యం కొనుగోలు ప్రక్రియ సజావుగా జరిగేలా చూడాలని తెలిపారు.

ఈ కార్యక్రమంలో పీఏసీఎస్ డైరెక్టర్ కిషన్ నాయక్, జనగాం సర్పంచ్ లోడే రఘు, వివిధ గ్రామాల సర్పంచులు లచ్చు నాయక్, సుధాకర్ నాయక్, కిషన్ నాయక్, విజేందర్ నాయక్, మాజీ సర్పంచ్ దోనూరు జైపాల్ రెడ్డి తదితరులు పాల్గొన్నారు.