నవంబర్ 16 నుంచి శబరిమల మండల యాత్ర ప్రారంభం.. జనవరి 14న మకరవిళక్కు
కేరళ: శబరిమల అయ్యప్ప స్వామి మండల–మకరవిళక్కు యాత్ర 2026 నవంబర్ 16న ప్రారంభం కానుంది. మండల పూజ డిసెంబర్ 27న జరగనుండగా, మకరవిళక్కు ఉత్సవం కోసం డిసెంబర్ 30న ఆలయాన్ని తిరిగి తెరవనున్నారు. 2027 జనవరి 14న మకరవిళక్కు వేడుక జరగనుంది. యాత్ర జనవరి 20తో ముగియనుంది.
వర్చువల్ క్యూ టికెట్ బుకింగ్స్ 2026 అక్టోబర్ 29న ఉదయం 10 గంటలకు ప్రారంభం కానున్నట్లు తాజా సమాచారం వెల్లడించింది. భక్తులు అధికారిక వెబ్‌సైట్ sabarimalaonline.org ద్వారా ఉచితంగా టికెట్లు బుక్ చేసుకోవచ్చు.
నిలక్కల్–పంబా మార్గంలో రోజుకు 60 వేల మందికి, ఎరుమేలి అటవీ మార్గం, వందిపెరియార్ సత్రం మార్గాల్లో రోజుకు 3 వేల మంది చొప్పున ఆన్‌లైన్ బుకింగ్‌కు అవకాశం కల్పించనున్నారు. స్పాట్ బుకింగ్ కేంద్రాలు నిలక్కల్, ఎరుమేలి, వందిపెరియార్ సత్రంలో అందుబాటులో ఉంటాయి. పంబాలో స్పాట్ బుకింగ్ ఉండదని అధికారులు స్పష్టం చేశారు.
