పట్టభద్రుల ఎమ్మెల్సీ ఓటరుగా అర్హులంతా నమోదు చేసుకోవాలి: ఎమ్మెల్యే సుధీర్ రెడ్డి
ఎల్బీనగర్, అక్టోబర్ 28 | ఎన్ టుడే న్యూస్‌: హైదరాబాద్‌–రంగారెడ్డి–మహబూబ్‌నగర్‌ పట్టభద్రుల ఎమ్మెల్సీ ఓటరు నమోదు కార్యక్రమంలో ఎల్బీనగర్ ఎమ్మెల్యే దేవిరెడ్డి సుధీర్ రెడ్డి పాల్గొన్నారు. హయత్‌నగర్ డివిజన్ పరిధిలోని రంగనాయకుల గుట్ట వద్ద నిర్వహించిన ఈ కార్యక్రమానికి ఆయన ముఖ్య అతిథిగా హాజరయ్యారు.
ఈ సందర్భంగా ఎమ్మెల్యే మాట్లాడుతూ అర్హులైన పట్టభద్రులందరూ ఎమ్మెల్సీ ఓటర్లుగా తమ పేర్లను నమోదు చేసుకోవాలని పిలుపునిచ్చారు. ప్రజాస్వామ్య ప్రక్రియలో ప్రతి ఒక్కరూ భాగస్వాములు కావాలని, పట్టభద్రులు తమ ఓటు హక్కును వినియోగించుకునేలా ఓటరు నమోదు ప్రక్రియపై విస్తృత అవగాహన కల్పించాలని సూచించారు.
ఈ కార్యక్రమంలో మాజీ కార్పొరేటర్ సామ తిరుమలరెడ్డి, డివిజన్ అధ్యక్షుడు చెన్నగోని శ్రీధర్ గౌడ్, గుడాల మల్లేష్, భాస్కర్ సాగర్, ప్రదీప్, స్కైలాబ్, రాకేష్, వెంకటేష్, రవి, రాజు, మధు, వెంకట్ తదితరులు పాల్గొన్నారు.
