భారత తీరరక్షక దళంలో 365 ఉద్యోగాలు.. దరఖాస్తుకు నేడే చివరి గడువు
భారత తీరరక్షక దళం (ఐసీజీ)లో ఉద్యోగాల కోసం ఎదురుచూస్తున్న అభ్యర్థులకు కీలక సమాచారం. నావిక్, యాంత్రిక్, హైజీనిస్ట్ పోస్టుల భర్తీకి చేపట్టిన దరఖాస్తుల స్వీకరణ ప్రక్రియ నేటితో, అక్టోబర్ 21తో ముగియనుంది. ఈ నియామక ప్రక్రియ ద్వారా మొత్తం 365 ఖాళీలను భర్తీ చేయనున్నారు. పదో తరగతి, ఇంటర్మీడియట్, ఐటీఐ లేదా డిప్లొమా అర్హతలు కలిగిన అభ్యర్థులు సంబంధిత పోస్టుల నిబంధనల ప్రకారం దరఖాస్తు చేసుకోవచ్చు. ఎంపిక ప్రక్రియలో భాగంగా ఆన్‌లైన్ పరీక్ష, శారీరక సామర్థ్య పరీక్ష, వైద్య పరీక్షలు నిర్వహిస్తారు. అర్హతలు కలిగిన మహిళలు, పురుషులు గడువు ముగిసేలోపు అధికారిక వెబ్‌సైట్ ద్వారా దరఖాస్తు చేసుకోవాలి. చివరి రోజు కావడంతో దరఖాస్తు ప్రక్రియను ఆలస్యం చేయకుండా పూర్తి చేయడం మంచిది. పోస్టులవారీగా విద్యార్హతలు, వయోపరిమితి, ఎంపిక విధానం, ఇతర నిబంధనలను అధికారిక నియామక ప్రకటనలో పరిశీలించిన తర్వాతే దరఖాస్తు చేయాలి.
