తిరువూరులో 56 నామినేషన్లకు ఆమోదం 71 నామినేషన్ల పరిశీలన పూర్తి..

• పార్టీల వారీగా ఆమోదిత అభ్యర్థుల వివరాలు 

ఎన్టీఆర్ జిల్లా, తిరువూరు: స్థానిక సంస్థల ఎన్నికల నేపథ్యంలో తిరువూరు మండల పరిషత్ కార్యాలయంలో నామినేషన్ల పరిశీలన ప్రక్రియ పూర్తయింది. మొత్తం 71 నామినేషన్లను పరిశీలించిన అనంతరం 56 నామినేషన్లను రిటర్నింగ్ అధికారి ఆమోదించారు. ఆమోదం పొందిన నామినేషన్లలో తెలుగుదేశం పార్టీకి చెందినవి 30, యువజన శ్రామిక రైతు కాంగ్రెస్ పార్టీకి చెందినవి 23 ఉన్నాయి. అలాగే సీపీఐ నుంచి ఒకటి, జనసేన పార్టీ నుంచి ఒకటి, బహుజన సమాజ్ పార్టీ నుంచి ఒక నామినేషన్ ఆమోదం పొందింది. మొత్తంగా 56 నామినేషన్లకు ఆమోదం లభించినట్లు తిరువూరు మండల పరిషత్ రిటర్నింగ్ అధికారి వెల్లడించారు.