18 ఏళ్లలో 64 కేసులు.. గజదొంగపై పీడీ యాక్ట్

డేరంగుల రవి అలియాస్ గజదొంగపై సైబరాబాద్ పోలీసులు పీడీ యాక్ట్ ప్రయోగించారు. అతడిని చర్లపల్లి సెంట్రల్ జైలుకు తరలించారు.

సూరారం కాలనీ, జీడిమెట్లకు చెందిన రవిపై 2008 నుంచి 2026 వరకు మొత్తం 64 కేసులు నమోదైనట్లు సమాచారం. దోపిడీలు, చైన్ స్నాచింగ్‌లు, ఇళ్లలో చోరీలు, ద్విచక్ర వాహనాల దొంగతనాలకు పాల్పడినట్లు ఆరోపణలు ఉన్నాయి.

 కత్తులు, ఇతర ప్రమాదకర ఆయుధాలతో దాడులకు పాల్పడినట్లు ఆరోపణలు ఉండటంతో.. భవిష్యత్తులో మరిన్ని నేరాలకు అడ్డుకట్ట వేసేందుకు సైబరాబాద్ సీపీ ఎం. రమేష్ పీడీ యాక్ట్ అమలు చేశారు.