జాతీయ హాకీ క్రీడాకారునికి ఘన సన్మానం
తెలంగాణ
జాతీయ హాకీ క్రీడాకారునికి ఘన సన్మానం
NTODAY NEWS : చిట్యాల
నల్గొండ జిల్లా చిట్యాల మున్సిపాలిటీ పరిధిలోని గ్రీన్ గ్రోవ్ పాఠశాలలో జాతీయ హాకీ క్రీడాకారుడు కట్ట అఖిల్ నందన్‌కు ఘనంగా సన్మానం నిర్వహించారు.
ఈ నెల 12 నుంచి 17 వరకు రాజస్థాన్ రాష్ట్రం ఉదయపూర్‌లో జరిగిన జాతీయ స్థాయి హాకీ పోటీల్లో అఖిల్ నందన్ ఉత్తమ క్రీడా ప్రతిభ కనబరిచి, తెలంగాణ రాష్ట్రం తరఫున అండర్-19 విభాగంలో ఎంపికయ్యాడు.
గ్రీన్ గ్రోవ్ పాఠశాల పూర్వ విద్యార్థి అయిన అఖిల్ నందన్, పాఠశాల వ్యాయామ ఉపాధ్యాయుడు గంగాపురం రాము శిక్షణలో ఏడవ తరగతి నుంచే హాకీ క్రీడా నైపుణ్యాలను అభ్యసించాడు.
ఈ సందర్భంగా పాఠశాల డైరెక్టర్ జూలకంటి వేణుగోపాల్ రెడ్డి మాట్లాడుతూ, తమ పూర్వ విద్యార్థి జాతీయ స్థాయిలో తెలంగాణ రాష్ట్రాన్ని ప్రాతినిధ్యం వహించడం ఎంతో గర్వకారణమని తెలిపారు. విద్యార్థులు చదువుతో పాటు క్రీడల్లోనూ ప్రతిభ కనబరచాలని, క్రీడల ద్వారా ఉన్నత శిఖరాలను అధిరోహించవచ్చని అన్నారు.
ఈ కార్యక్రమంలో పాఠశాల ఏవో పోలా గోవర్ధన్, వ్యాయామ ఉపాధ్యాయుడు గంగాపురం రాము, ఉపాధ్యాయులు, విద్యార్థులు పాల్గొన్నారు.
#NationalHockeyPlayer
#AkhilNandan
#Under19Hockey
#TelanganaSports
#GreenGroveSchool
#Chityala
#StudentAchievement
#SportsExcellence
Follow us on
Website
Facebook
Instagram
YouTube 
