కీసరలో ఏసీబీ దాడులు.. డిప్యూటీ తహసీల్దార్ పట్టుబడినట్లు సమాచారం

భూ సర్వే వ్యవహారంలో రూ.2.50 లక్షల నగదు స్వీకరిస్తుండగా పట్టుకున్నట్లు ప్రాథమిక సమాచారం

మేడ్చల్–మల్కాజిగిరి జిల్లా: కీసరలో భూ సర్వేకు సంబంధించిన వ్యవహారంలో ఏసీబీ అధికారులు దాడులు నిర్వహించినట్లు సమాచారం. ఈ ఘటనలో డిప్యూటీ తహసీల్దార్ సందీప్ రెడ్డితో పాటు విజయ్ కుమార్ రెడ్డి, బాలకృష్ణ పేర్లు వినిపిస్తున్నాయి.

రూ.2.50 లక్షల నగదు స్వీకరిస్తున్న సమయంలో అధికారులు పట్టుకున్నట్లు ప్రాథమిక సమాచారం అందుతోంది. అయితే, ఈ ఘటనకు సంబంధించిన పూర్తి వివరాలు, ఆరోపణల స్వరూపంపై అధికారిక స్పష్టత రావాల్సి ఉంది.

ఏసీబీ అధికారుల ప్రకటన వెలువడిన తర్వాతే ఘటనకు సంబంధించిన మరిన్ని వివరాలు వెల్లడయ్యే అవకాశం ఉంది.