కనిగిరి మున్సిపల్ చైర్‌పర్సన్ అభ్యర్థిగా అచ్చాల తిరుపతమ్మ నామినేషన్

భారీ ర్యాలీగా వెళ్లి నామినేషన్ దాఖలు

కనిగిరి: కనిగిరి మున్సిపల్ చైర్‌పర్సన్ అభ్యర్థిగా టీడీపీకి చెందిన అచ్చాల తిరుపతమ్మ ఆదివారం నామినేషన్ దాఖలు చేశారు. స్థానిక టీడీపీ కార్యాలయం నుంచి ఎన్డీఏ కూటమి నాయకులు, కార్యకర్తలతో కలిసి భారీ ర్యాలీగా బయలుదేరి మున్సిపల్ కార్యాలయానికి చేరుకున్నారు. అక్కడ ఆమె తన నామినేషన్ పత్రాలను సమర్పించారు.

అభివృద్ధి, సంక్షేమ పథకాలే విజయానికి బలం

ఎమ్మెల్యే ఉగ్ర నరసింహారెడ్డి చేపట్టిన అభివృద్ధి కార్యక్రమాలు, అమలు చేస్తున్న సంక్షేమ పథకాలతో టీడీపీ అత్యధిక మెజారిటీతో విజయం సాధిస్తుందని తిరుపతమ్మ ధీమా వ్యక్తం చేశారు.

ఈ కార్యక్రమంలో ఎన్డీఏ కూటమి నాయకులు, కార్యకర్తలు పాల్గొన్నారు.