అది చిరుత పిల్ల కాదు... ప్రజలు భయపడొద్దు: నల్గొండ అటవీ శాఖ !
అది చిరుత పిల్ల కాదు... ప్రజలు భయపడొద్దు: నల్గొండ అటవీ శాఖ !
నల్లగొండ పట్టణంలోని ఏఆర్ నగర్‌లో అర్ధరాత్రి వేళ చిరుత పులి పిల్ల సంచరిస్తోందంటూ సోషల్ మీడియాలో ఓ వీడియో తీవ్రంగా వైరల్ అయింది. ఈ వీడియో చూసిన స్థానికులు తీవ్ర భయాందోళనకు గురయ్యారు. సమాచారం అందుకున్న వెంటనే నల్గొండ వన్ టౌన్ పోలీసులు అటవీ శాఖ అధికారులను అప్రమత్తం చేశారు. ఫారెస్ట్ రేంజ్ ఆఫీసర్ వీరేంద్ర బాబు ఆదేశాల మేరకు డిప్యూటీ రేంజ్ ఆఫీసర్, అటవీ శాఖ సిబ్బంది మరియు పోలీసులు వెంటనే ఘటన స్థలానికి చేరుకుని విస్తృతంగా తనిఖీలు చేపట్టారు. క్షేత్రస్థాయి విచారణ అనంతరం అటవీ శాఖ అధికారులు అసలు విషయాన్ని స్పష్టం చేశారు. వైరల్ అవుతున్న వీడియోలో కనిపించినది చిరుత పిల్ల కాదని, అది అడవి పిల్లి’ అని తెలిపారు. అడవి పిల్లి శరీర పైభాగం, చారలు చిరుత పిల్లను పోలి ఉండటం వల్ల స్థానికులు పొరబడే అవకాశం ఉంది. సోషల్ మీడియాలో వచ్చే ప్రతి వీడియోను నమ్మి ప్రజలు ఆందోళన చెందవద్దు.అని ఫారెస్ట్ అధికారులు
భయపడాల్సిన అవసరం లేదు: ఫారెస్ట్ రేంజ్ ఆఫీసర్ వీరేంద్ర బాబు
ప్రజలు ఎలాంటి భయాందోళనలకు గురికావాల్సిన అవసరం లేదని, పరిస్థితి పూర్తిగా అదుపులోనే ఉందని నల్లగొండ ఫారెస్ట్ రేంజ్ ఆఫీసర్ వీరేంద్ర బాబు తెలిపారు. అధికారిక సమాచారం వెలువడే వరకు పుకార్లను నమ్మవద్దని ఆయన ప్రజలకు విజ్ఞప్తి చేశారు.
