ఐబీ చౌరస్తాలో ప్రమాదాలు జరగకముందే మేల్కొనండి
ఐబీ చౌరస్తాలో ప్రమాదాలు జరగకముందే మేల్కొనండి
- రోడ్డుపై గుంతలతో వాహనదారుల అవస్థలు
- కళ్లెదుటే కనిపిస్తున్నా స్పందించని అధికారులు
మంచిర్యాల: జిల్లా కేంద్రంలోని ప్రధాన కూడలి అయిన ఐబీ చౌరస్తా వద్ద రోడ్డుపై ఏర్పడిన గుంతలు వాహనదారులకు ప్రాణసంకటంగా మారాయి. స్థానిక అంబేద్కర్ సర్కిల్ పక్కన ఉన్న మలుపు వద్ద భారీ గుంతలు ఏర్పడటంతో ప్రయాణికులు తీవ్ర ఇబ్బందులు పడుతున్నారు. ఏమాత్రం ఆదమరిచినా లేదా ఏమరుపాటుగా ఉన్నా ప్రమాదం బారిన పడటం ఖాయమని వాహనదారులు ఆందోళన వ్యక్తం చేస్తున్నారు.
నిత్యం వందలాది వాహనాలతో అత్యంత రద్దీగా ఉండే ఐబీ చౌరస్తా మార్గంలో రోడ్లు ఇంత అధ్వాన్నంగా తయారైనా పట్టించుకునే నాథుడే కరువయ్యాడు. అధికారులంతా ప్రతిరోజూ ఇదే మార్గం గుండా రాకపోకలు సాగిస్తున్నప్పటికీ ఈ సమస్యను ఏమాత్రం పట్టించుకోవడం లేదు. కళ్లెదుటే గుంతలు కనిపిస్తున్నా కనీస చర్యలు తీసుకోకపోవడం అధికారుల నిర్లక్ష్యానికి అద్దం పడుతోంది.
పెద్ద ఎత్తున ప్రమాదాలు జరిగి ప్రాణనష్టం వాటిల్లకముందే సంబంధిత అధికారులు తక్షణమే స్పందించి, వెంటనే ఐబీ చౌరస్తా వద్ద రోడ్డుకు మరమ్మతులు చేపట్టాలి
