ఓటు బచావో – దేశ్‌ బచావో ప్రచారానికి ఏఐసీసీ పరిశీలకులు

జిల్లాల సమూహాల వారీగా నియామకాలు.. తక్షణమే అమల్లోకి వచ్చిన నిర్ణయం

న్యూఢిల్లీ: దేశవ్యాప్తంగా కాంగ్రెస్‌ పార్టీ చేపడుతున్న ‘ఓటు బచావో – దేశ్‌ బచావో’ ప్రచారాన్ని పర్యవేక్షించేందుకు ఏఐసీసీ పరిశీలకులను నియమించాలని పార్టీ నిర్ణయించింది. జిల్లాల సమూహాల వారీగా పరిశీలకులను నియమించే ప్రతిపాదనకు కాంగ్రెస్‌ అధ్యక్షుడు మల్లికార్జున ఖర్గే ఆమోదం తెలిపారు.

ఈ నియామకాలు తక్షణమే అమల్లోకి వస్తాయని ఏఐసీసీ ప్రకటించింది. ప్రచార కార్యక్రమాలను పర్యవేక్షించడం, సమన్వయం చేయడం, వివిధ ప్రాంతాల్లో పార్టీ కార్యకలాపాలు సజావుగా సాగేందుకు పరిశీలకులు బాధ్యతలు నిర్వహించనున్నారు.