ఐసీయూలో ఎల్‌కే అద్వానీ? ఢిల్లీలోని అపోలో ఆసుపత్రిలో చికిత్స

న్యూఢిల్లీ: భారత మాజీ ఉప ప్రధాని, బీజేపీ సీనియర్ నేత ఎల్‌కే అద్వానీ (98) ఢిల్లీలోని అపోలో ఆసుపత్రిలో చికిత్స పొందుతున్నట్లు సమాచారం. ఇన్ఫెక్షన్ కారణంగా ఆయన ఆసుపత్రిలో చేరినట్లు వార్తలు వెలువడుతున్నాయి. ప్రస్తుతం వైద్యుల పర్యవేక్షణలో చికిత్స కొనసాగుతున్నట్లు తెలుస్తోంది. ఆయన ఆరోగ్య పరిస్థితిని వైద్య బృందం నిరంతరం పరిశీలిస్తున్నట్లు సమాచారం. అద్వానీ ఆరోగ్యంపై మరిన్ని వివరాలు అధికారికంగా వెల్లడికావాల్సి ఉంది. ఆయన త్వరగా కోలుకోవాలని అభిమానులు, బీజేపీ శ్రేణులు ఆకాంక్షిస్తున్నారు.