పులివెందుల 15వ వార్డుపై అందరి దృష్టి
ఆంధ్రప్రదేశ్
/
వైఎస్ఆర్ కడప
- మాజీ సీఎం వైఎస్ జగన్ ఓటు వేసే వార్డులో ఆసక్తికర పోరు
- వైసీపీ తరఫున వరప్రసాద్.. టీడీపీ తరఫున శివ బరిలో
- ఫలితంపై రాజకీయ వర్గాల్లో ఉత్కంఠ
పులివెందుల | ఎన్ టుడే న్యూస్: పులివెందుల మున్సిపల్ ఎన్నికల్లో 15వ వార్డు అందరి దృష్టిని ఆకర్షిస్తోంది. మాజీ ముఖ్యమంత్రి వైఎస్ జగన్మోహన్ రెడ్డి ఓటు హక్కు వినియోగించుకునే వార్డు కావడంతో ఇక్కడి ఎన్నికల పోరు రాజకీయంగా ఆసక్తిని రేకెత్తిస్తోంది.
ఈ వార్డులో వైఎస్సార్ కాంగ్రెస్ పార్టీ తరఫున మాజీ మున్సిపల్ చైర్మన్ వరప్రసాద్, తెలుగుదేశం పార్టీ తరఫున శివ పోటీ చేస్తున్నారు. రెండు పార్టీల అభ్యర్థులు బరిలో ఉండటంతో వార్డులో ఎన్నికల వాతావరణం వేడెక్కింది.
మాజీ సీఎం వైఎస్ జగన్ ఓటు హక్కు వినియోగించుకునే వార్డు కావడంతో 15వ వార్డు ఎన్నికలపై రాజకీయ వర్గాలు ప్రత్యేకంగా దృష్టి సారించాయి. ఇక్కడ ఎవరు విజయం సాధిస్తారన్న అంశంపై ఆసక్తి నెలకొంది. ఎన్నికల ఫలితం వెలువడే వరకు ఈ వార్డుపై ఉత్కంఠ కొనసాగే అవకాశం ఉంది.
