పట్టణ ప్రజలందరూ సుఖసంతోషాలతో ఉండాలి: మంచిర్యాల మేయర్ దర్ని మధుకర్
39, 44వ డివిజన్లలో ఘనంగా స్వామివార్ల కళ్యాణ మహోత్సవాలు
ప్రత్యేక పూజలు నిర్వహించిన మేయర్, ప్రజాప్రతినిధులు
మంచిర్యాల మున్సిపల్ కార్పొరేషన్ పరిధిలోని పలు డివిజన్లలో నిర్వహించిన స్వామివార్ల కళ్యాణ మహోత్సవాల్లో కార్పొరేషన్ మేయర్ శ్రీ దర్ని మధుకర్ పాల్గొని ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ.. స్వామివారి కృపాకటాక్షాలతో మంచిర్యాల ప్రజలందరూ ఆయురారోగ్యాలతో, సుఖసంతోషాలతో వర్ధిల్లాలని, పట్టణం సర్వతోముఖాభివృద్ధి సాధించి సుభిక్షంగా ఉండాలని ఆకాంక్షించారు.
39వ డివిజన్‌లో శ్రీ శివపార్వతుల కళ్యాణం:
కార్పొరేషన్ పరిధిలోని 39వ డివిజన్‌లో నిర్వహించిన శ్రీ శివపార్వతుల కళ్యాణ మహోత్సవానికి మేయర్ దర్ని మధుకర్ ముఖ్య అతిథిగా హాజరై స్వామివార్లను దర్శించుకుని మొక్కులు చెల్లించుకున్నారు. ఈ కార్యక్రమంలో ఐఎన్‌టీయూసీ (INTUC) జిల్లా అధ్యక్షుడు పుదరి తిరుపతి, మార్కెట్ కమిటీ చైర్మన్ రామగిరి బానేష్, కార్పొరేటర్ సునీత ప్రభాకర్, నాయకులు కర్రు శంకర్, మాజీ మున్సిపల్ వైస్ చైర్మన్ సల్ల మహేష్ తదితరులు పాల్గొన్నారు.
44వ డివిజన్‌లో దుర్గా మల్లేశ్వర స్వామి కళ్యాణోత్సవం:
అదేవిధంగా 44వ డివిజన్‌లో అత్యంత భక్తిశ్రద్ధలతో నిర్వహించిన శ్రీ దుర్గా మల్లేశ్వర స్వామి కళ్యాణ మహోత్సవంలో మేయర్ పాల్గొని తీర్థప్రసాదాలు స్వీకరించారు. ఈ పూజా కార్యక్రమంలో మంచిర్యాల కార్పొరేషన్ కాంగ్రెస్ పార్టీ అధ్యక్షులు, కార్పొరేటర్ తూముల నరేష్, ఐఎన్‌టీయూసీ జిల్లా అధ్యక్షుడు పుదరి తిరుపతి, కార్పొరేటర్లు చిలువేరు జ్యోతి శ్రీనివాస్, షేరు శ్రీలక్ష్మి పవన్, చిందం సత్యవతి శ్రీనివాస్, కాంగ్రెస్ పార్టీ నాయకులు ఆది సంజీవ్, మాజీ మున్సిపల్ వైస్ చైర్మన్ సల్ల మహేష్ తదితరులు స్థానిక కాంగ్రెస్ నాయకులతో కలిసి పాల్గొన్నారు. ఈ రెండు ప్రాంతాల్లో జరిగిన ఉత్సవాలకు స్థానిక భక్తులు, మహిళలు భారీ సంఖ్యలో తరలివచ్చారు
