ఎర్రబాలెంలో పురాతన మెటల్ బాల్స్ కలకలం

కార్మికులకు లభించిన 56 లోహపు గుండ్లు

బ్రిటిష్ కాలం నాటి తుపాకీ గుండ్లా? పరిశీలిస్తున్న అధికారులు

మార్కాపురం జిల్లా: కంభం మండలం ఎర్రబాలెం గ్రామంలోని రామాలయం సమీపంలో పురాతన కట్టడం వద్ద కార్మికులకు లోహపు గుండ్లు లభించాయి. ఆదివారం ఈ ఘటన చోటుచేసుకుంది.

సమాచారం అందుకున్న పోలీసులు అక్కడికి చేరుకుని విచారణ చేపట్టారు. కార్మికుల నుంచి 56 మెటల్ బాల్స్‌ను స్వాధీనం చేసుకున్నారు. వాటి చారిత్రక నేపథ్యం, స్వభావాన్ని నిర్ధారించేందుకు పరిశీలన నిమిత్తం పురావస్తు శాఖకు అప్పగించారు.

లభించిన లోహపు గుండ్లు బ్రిటిష్ కాలం నాటి తుపాకీ గుండ్లు అయి ఉండవచ్చని అధికారులు అనుమానిస్తున్నారు. అయితే వాటి అసలు స్వరూపం, కాలానికి సంబంధించిన వివరాలు పరిశీలన అనంతరం వెల్లడయ్యే అవకాశం ఉంది.

ఈ ఘటనకు సంబంధించిన పూర్తి వివరాలను దర్యాప్తు తర్వాత వెల్లడిస్తామని అధికారులు తెలిపారు.