సాయుధ దళాల సిబ్బందికి నూతన క్రిమినల్‌ చట్టాలపై శిక్షణ
971 మందికి 20 బ్యాచ్‌లుగా శిక్షణ కార్యక్రమం
వరంగల్‌ | ఎన్ టుడే న్యూస్‌: తెలంగాణ డీజీపీ సి.వి. ఆనంద్‌ సూచనల మేరకు పోలీస్‌ కమిషనర్‌ ఎన్. శ్వేత ఆధ్వర్యంలో సాయుధ దళాల సిబ్బందికి నూతన క్రిమినల్‌ చట్టాలపై శిక్షణ కార్యక్రమాన్ని ప్రారంభించారు. మడికొండ పోలీస్‌ శిక్షణ కేంద్రంలో ఈ శిక్షణ నిర్వహించనున్నారు.
మొత్తం 971 మంది సిబ్బందిని 20 బ్యాచ్‌లుగా విభజించి శిక్షణ ఇవ్వనున్నారు. నూతన క్రిమినల్‌ చట్టాలపై అవగాహన పెంపొందించడంతో పాటు, విధుల నిర్వహణలో చట్టపరమైన నిబంధనలను సమర్థంగా అమలు చేసేలా సిబ్బందికి శిక్షణ అందించనున్నారు.
వివిధ అంశాలపై అవగాహన
శిక్షణలో భాగంగా ఎఫ్‌ఐఆర్‌ నమోదు విధానం, అరెస్టులకు సంబంధించిన నిబంధనలు, సాక్ష్యాల సేకరణ, సైబర్‌ నేరాలు, మహిళలపై జరిగే నేరాలు తదితర అంశాలను వివరించనున్నారు. నూతన చట్టాల అమలులో సిబ్బందికి అవసరమైన పరిజ్ఞానం అందించడమే ఈ కార్యక్రమం ప్రధాన ఉద్దేశమని అధికారులు తెలిపారు.
