ఎన్నికల అధికారిపై దౌర్జన్యం.. రాజేష్ అరెస్ట్
ఆంధ్రప్రదేశ్
/
అన్నమయ్య
ఎస్ రెడ్డి రాఘవేంద్రరాజు
పుంగనూరు నియోజకవర్గ ప్రతినిధి
విధులకు ఆటంకం కలిగించినట్లు కేసు నమోదు
14 రోజుల రిమాండ్ విధించిన న్యాయస్థానం
మదనపల్లె, అన్నమయ్య జిల్లా | అక్టోబర్ 20 | ఎన్ టుడే న్యూస్: మదనపల్లెలోని దొంతి వీధి నామినేషన్ కేంద్రంలో అదనపు ఎన్నికల అధికారి బొరయ్యపై దౌర్జన్యానికి పాల్పడినట్లు ఆరోపణలు ఎదుర్కొంటున్న రాజేష్‌ను టూ టౌన్ పోలీసులు అరెస్ట్ చేశారు.
వివరాల ప్రకారం.. నామినేషన్ కేంద్రంలో సోమవారం మధ్యాహ్నం రాజేష్ విధులకు ఆటంకం కలిగించినట్లు పోలీసులు కేసు నమోదు చేశారు. ఈ ఘటనపై దర్యాప్తు చేపట్టిన పోలీసులు మంగళవారం ఉదయం రాజేష్‌ను అదుపులోకి తీసుకున్నారు.
రాజేష్‌పై ఇప్పటికే నాలుగు క్రిమినల్ కేసులు ఉన్నాయని ఎస్‌ఐ నాగేశ్వరరావు తెలిపారు. అరెస్ట్ అనంతరం అతడిని న్యాయస్థానంలో హాజరుపరచగా, న్యాయమూర్తి 14 రోజుల రిమాండ్ విధించినట్లు ఎస్‌ఐ వెల్లడించారు.
