శ్రీకాళహస్తిలో ఆటో బోల్తా.. ఇద్దరికి గాయాలు

మద్యం సేవించి ప్రయాణిస్తున్నారనే సమాచారం
క్షతగాత్రులను ఆసుపత్రికి తరలింపు

శ్రీకాళహస్తి | ఎన్ టుడే న్యూస్: శ్రీకాళహస్తికి చెందిన ఇద్దరు వ్యక్తులు ప్రయాణిస్తున్న ఆటో అదుపుతప్పి బోల్తా పడటంతో వారు గాయపడిన ఘటన చోటుచేసుకుంది.

ప్రాథమిక సమాచారం ప్రకారం.. ఇద్దరు వ్యక్తులు ఇనుప వస్తువుల వ్యాపారానికి సంబంధించిన పనులపై వెళ్తుండగా ఈ ప్రమాదం జరిగింది. వారు మద్యం సేవించి ఉన్నట్లు సమాచారం. ప్రయాణిస్తున్న ఆటో అదుపుతప్పి బోల్తా పడటంతో ఇద్దరికీ గాయాలయ్యాయి.

ప్రమాదాన్ని గమనించిన స్థానికులు క్షతగాత్రులను చికిత్స నిమిత్తం ఆసుపత్రికి తరలించారు. ప్రమాదానికి గల పూర్తి కారణాలు, క్షతగాత్రుల ఆరోగ్య పరిస్థితిపై మరిన్ని వివరాలు తెలియాల్సి ఉంది.