పట్టభద్రుల ఓటరు నమోదుపై ఉరుమడ్ల గ్రామ నాయకుల అవగాహన

అర్హులైన పట్టభద్ధులు ఓటరుగా నమోదు చేసుకోవాలి

ప్రజాస్వామ్య బలోపేతంలో భాగస్వాములు కావాలి

ఉరుమడ్ల | ఎన్ టుడే న్యూస్: నల్లగొండ–ఖమ్మం–వరంగల్ పట్టభద్రుల ఎమ్మెల్సీ ఎన్నికల నేపథ్యంలో అర్హులైన ప్రతి పట్టభద్రుడు ఓటరుగా నమోదు చేసుకోవాలని ఉరుమడ్ల గ్రామ నాయకులు పిలుపునిచ్చారు. పట్టభద్రుల ఓటరు నమోదు ప్రాముఖ్యతపై అవగాహన కల్పిస్తూ, అర్హులైన వారు నమోదు ప్రక్రియను పూర్తి చేసుకుని ఓటు హక్కు పొందాలని సూచించారు.

ఓటు హక్కుతో ప్రజాస్వామ్య బలోపేతం

ప్రజాస్వామ్య వ్యవస్థలో ఓటు హక్కు కీలకమని నాయకులు పేర్కొన్నారు. పట్టభద్రులు ఓటరుగా నమోదు చేసుకోవడం ద్వారా ప్రజాస్వామ్య బలోపేతంలో భాగస్వాములు కావాలని కోరారు. అర్హులైన ప్రతి ఒక్కరూ ఈ అవకాశాన్ని సద్వినియోగం చేసుకుని ఓటరు జాబితాలో తమ పేర్లను నమోదు చేసుకోవాలని పిలుపునిచ్చారు.

కార్యక్రమంలో పాల్గొన్న నాయకులు

ఈ కార్యక్రమంలో చిట్యాల మార్కెట్ కమిటీ డైరెక్టర్ కోనేటి యాదగిరి, తెలంగాణ ఉద్యమకారుల వేదిక నల్లగొండ జిల్లా అధ్యక్షుడు పల్లపు బుద్ధుడు, మాజీ ఎంపీటీసీ పోలగోని స్వామి, గ్రామ శాఖ కాంగ్రెస్ పార్టీ అధ్యక్షుడు చెరుకు సైదులు, గ్రామపంచాయతీ వార్డు సభ్యులు జన్నపాల శ్రీను, పాకాల దినేష్, మేడబోయిన శ్రీను, ఉయ్యాల మల్లేష్, గంగాపురం వెంకటేష్, ఎం.డి. జాంగిర్, ఎం.డి. కాజా, బెలిజ అరుణ్ కుమార్, కొండ శ్రీను, రూపాని రవి, బెలిజ మహేష్, గుంటోజు రాజేష్ తదితరులు పాల్గొన్నారు.