బాలల ఆరోగ్యకర ఎదుగుదలకు పౌష్టికాహారమే పునాది: సర్పంచ్ కట్టగూరి సురేందర్ రెడ్డి

బాలల ఆరోగ్యకర ఎదుగుదలకు పౌష్టికాహారమే పునాది: సర్పంచ్ కట్టగూరి సురేందర్ రెడ్డి

శనివారం తక్కళ్ళపహాడు గ్రామంలోని అంగన్వాడీ కేంద్రంలో అన్నప్రాసన కార్యక్రమం ఘనంగా నిర్వహించారు. ఈ కార్యక్రమానికి గ్రామ సర్పంచ్ కట్టగూరి సురేందర్ రెడ్డి ముఖ్య అతిథిగా పాల్గొన్నారు.

ఈ సందర్భంగా సర్పంచ్  మాట్లాడుతూ, చిన్నారులకు మంచి పౌష్టికాహారం అందించడం ప్రతి తల్లిదండ్రుల బాధ్యత అని తెలిపారు. బయట లభించే ఫాస్ట్ ఫుడ్‌కు దూరంగా ఉండి, ఇంట్లోనే పరిశుభ్రంగా తయారు చేసిన పౌష్టికాహారాన్ని పిల్లలకు అందించాలని సూచించారు. అలాగే అంగన్వాడీ కేంద్రాల ద్వారా అందించే బాలామృతం చిన్నారుల ఆరోగ్యకరమైన ఎదుగుదలకు ఎంతో ఉపయోగపడుతుందని వివరించారు.

ఈ కార్యక్రమంలో గ్రామ సర్పంచ్ కట్టగూరి సురేందర్ రెడ్డి, ఫస్ట్ వార్డ్ సభ్యురాలు పి. పుష్పలత, అంగన్వాడీ టీచర్ ఎ. ఉమా మహేశ్వరి (AWT), ANM, MLHP, అంగన్వాడీ సిబ్బంది, గ్రామ మహిళలు మరియు చిన్నారుల తల్లిదండ్రులు పాల్గొన్నారు