www.ntodaynews.com
బాల్క సుమన్ కస్టడీ పిటిషన్ రద్దు
తెలంగాణ
బాల్క సుమన్ కస్టడీ పిటిషన్ రద్దు
NTODAY NEWS: మంచిర్యాల ప్రతినిధి శ్రీనివాస్
మంచిర్యాల, బీఆర్ఎస్ జిల్లా అధ్యక్షుడు బాల్క సుమన్కు సంబంధించిన కస్టడీ పిటిషన్ను కోర్టు శుక్రవారం తిరస్కరించింది. క్యాతన్పల్లి ప్రాంతంలో కార్మిక శాఖ మంత్రి డా. జి. వివేక్ మరియు పెద్దపల్లి ఎంపీ జి. వంశీకృష్ణ కాన్వాయ్పై జరిగినట్లు ఆరోపణలున్న దాడి ఘటన కేసులో భాగంగా పోలీసులు సుమన్ను కస్టడీకి ఇవ్వాలని కోర్టును ఆశ్రయించారు.
విచారణలో భాగంగా సుమన్ ఇప్పటికే జ్యుడీషియల్ రిమాండ్లో ఉన్నందున మళ్లీ పోలీస్ కస్టడీ అవసరం లేదని కోర్టు అభిప్రాయపడినట్లు సమాచారం. అలాగే కేసు నమోదు చేసిన అధికారినే దర్యాప్తు అధికారిగా నియమించడంపై కోర్టు సందేహం వ్యక్తం చేసినట్లు తెలిసింది.
అరెస్టు సమయంలో సుప్రీంకోర్టు నిర్దేశించిన విధానాలు పాటించలేదని సుమన్ తరఫు న్యాయవాదులు వాదించారు. ఇరుపక్షాల వాదనలు పరిశీలించిన అనంతరం కోర్టు కస్టడీ పిటిషన్ను రద్దు చేస్తూ ఉత్తర్వులు జారీ చేసింది.
#Mancherial #BalkaSuman #CourtOrder #CustodyPetition #TelanganaNews
Follow us on
Website
Facebook
Instagram
YouTube 
