బూరుగుగూడెం–పర్వతాపురం టీడీపీ ఎంపీటీసీ అభ్యర్థిగా బూబత్తుల నాగస్వరూప ఏకగ్రీవ ఎంపిక

ఏలూరు జిల్లా, నూజివీడు నియోజకవర్గం, చాట్రాయి మండలంలోని బూరుగుగూడెం–పర్వతాపురం ఎంపీటీసీ స్థానానికి తెలుగుదేశం పార్టీ అభ్యర్థిగా బూబత్తుల నాగస్వరూపను రెండు గ్రామాల నాయకులు ఏకగ్రీవంగా ఎంపిక చేసినట్లు తెలిపారు. ఇరు గ్రామాల్లో ప్రజాభిప్రాయాన్ని పరిగణనలోకి తీసుకొని నాయకులు ఈ నిర్ణయం తీసుకున్నట్లు వెల్లడించారు. స్థానికంగా పార్టీ బలోపేతం, అభ్యర్థి విజయమే లక్ష్యంగా నాయకులు ఏకతాటిపైకి వచ్చి నాగస్వరూప అభ్యర్థిత్వాన్ని ఖరారు చేశారు. ఈ ఎంపికలో బూరుగుగూడెం, పర్వతాపురం గ్రామ పార్టీ అధ్యక్షులు రాజబోయిన దశరథ రామరాజు, బొర్రా నాగమల్లేశ్వరి, మాజీ గ్రామ పార్టీ అధ్యక్షుడు బొర్రా నాగేశ్వరరావు, క్లస్టర్ ఇన్‌చార్జి ఉయ్యాల దిలీప్, టీడీపీ సీనియర్ నాయకులు మిద్దె సత్యనారాయణ అలియాస్ అడవి సత్యం, కాలసాని సూర్యనారాయణ, కల్లేపల్లి ప్రభాకర్, బయగాని మల్లికార్జునరావు, చాట్రాయి మండల టీడీపీ ఆర్గనైజింగ్ సెక్రటరీ బూబత్తుల చెన్నారావు తదితరులు పాల్గొన్నారు. ఈ సందర్భంగా నాయకులు మాట్లాడుతూ రెండు గ్రామాల ప్రజలు, పార్టీ శ్రేణులు సమన్వయంతో పనిచేసి బూబత్తుల నాగస్వరూపను గెలిపించాలని పిలుపునిచ్చారు. గ్రామాల అభివృద్ధి, ప్రజల సమస్యల పరిష్కారమే లక్ష్యంగా ముందుకు సాగాలని పేర్కొంటూ, బూరుగుగూడెం–పర్వతాపురం ఎంపీటీసీ స్థానంలో విజయం సాధించి చరిత్ర తిరగరాయాలని పార్టీ శ్రేణులకు పిలుపునిచ్చారు. రెండు గ్రామాల నాయకులు కలిసి అభ్యర్థిని ఎంపిక చేయడం పార్టీ ఐక్యతకు నిదర్శనమని పేర్కొన్నారు.