హుజూరాబాద్‌లో ఘనంగా బతుకమ్మ సంబరాలు
బతుకమ్మ సావుల వద్ద వేలాదిగా తరలివచ్చిన బతుకమ్మలు.. కోలాటాలతో సందడిగా వేడుకలు
హుజూరాబాద్, కరీంనగర్ జిల్లా (ఎన్ టుడే న్యూస్): తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ వేడుకలు హుజూరాబాద్ పట్టణంలోని బతుకమ్మ సావుల వద్ద ఘనంగా నిర్వహించారు. వేలాదిగా బతుకమ్మలు తరలివచ్చి పండుగ ప్రాంగణాన్ని రంగురంగుల పూలతో ఆహ్లాదకరంగా మార్చాయి.
మహిళలు సంప్రదాయ దుస్తులు ధరించి బతుకమ్మల చుట్టూ చేరి పాటలు పాడుతూ, కోలాటాలు ఆడుతూ ఉత్సాహంగా సంబరాల్లో పాల్గొన్నారు. ఆటపాటలతో పట్టణంలో పండుగ సందడి నెలకొంది.
ఈ వేడుకలకు ముఖ్య అతిథులుగా కాంగ్రెస్ పార్టీ హుజూరాబాద్ నియోజకవర్గ ఇన్‌చార్జ్ ప్రణవ్, హుజూరాబాద్ మున్సిపల్ చైర్‌పర్సన్ రొంటాల సుహాసిని పాల్గొన్నారు. పార్టీ కార్యకర్తలు, మహిళలు, పట్టణ ప్రజల సమక్షంలో బతుకమ్మ సంబరాలు వైభవంగా జరిగాయి.
తెలంగాణ ఆడపడుచుల ఐక్యతకు, ప్రకృతి ప్రేమకు, సాంస్కృతిక వైభవానికి ప్రతీకగా నిలిచే బతుకమ్మ పండుగను ప్రజలు ఉత్సాహంగా జరుపుకున్నారు.
