శ్రీ కల్యాణ వెంకటరమణ స్వామివారి బ్రహ్మోత్సవాలు
తెలంగాణ
ధ్వజారోహణంతో ప్రారంభమైన పుంగనూరు శ్రీ కల్యాణ వెంకటరమణ స్వామివారి బ్రహ్మోత్సవాలు
NTODAY NEWS: అన్నమయ్య జిల్లా, పుంగనూరు ప్రతినిధి రాఘవేంద్రరాజు
పుంగనూరులోని శ్రీ కల్యాణ వెంకటరమణ స్వామివారి ఆలయంలో వార్షిక బ్రహ్మోత్సవాలు మంగళవారం ధ్వజారోహణంతో వైభవంగా ప్రారంభమయ్యాయి. ఉదయం 9:50 గంటల నుండి 10:45 గంటల మధ్య మేష లగ్నంలో ధ్వజారోహణ ఘట్టం నిర్వహించబడింది.
ఉదయం 5 గంటలకు సుప్రభాత సేవతో స్వామివారిని మేల్కొలిపి, వైదిక కార్యక్రమాలు నిర్వహించారు. అనంతరం ఉత్సవమూర్తులు, చక్రతాళ్వార్, గరుడ ధ్వజపటాన్ని ఆలయ ప్రదక్షిణగా తీసుకొచ్చి సకలదేవతలను ఆహ్వానించారు. గరుత్మంతుని చిత్రంతో అలంకరించిన ధ్వజపటానికి ప్రత్యేక పూజలు నిర్వహించి ధ్వజస్తంభంపై ప్రతిష్ఠించారు. రాత్రి 7 గంటలకు పెద్ద శేష వాహనంపై స్వామివారు భక్తులకు దర్శనమివ్వనున్నారు.
బ్రహ్మోత్సవాల సందర్భంగా ఆలయ పరిసరాల్లో చలువపందిళ్లు, రంగోళీలు, క్యూలైన్లు, బారీకేడ్లు, విద్యుత్ మరియు పుష్పాలంకరణలు ఏర్పాటు చేశారు. ప్రతి రోజు ఉదయం 8 నుండి 11 గంటల వరకు, రాత్రి 7 నుండి 9 గంటల వరకు వాహనసేవలు నిర్వహించనున్నారు.
వాహనసేవల వివరాలు:
24-02-2026
రాత్రి – పెద్ద శేష వాహనం
25-02-2026
ఉదయం – చిన్న శేష వాహనం
రాత్రి – హంస వాహనం
26-02-2026
ఉదయం – సింహ వాహనం
రాత్రి – ముత్యపుపందిరి వాహనం
27-02-2026
ఉదయం – కల్పవృక్ష వాహనం
రాత్రి – హనుమంత వాహనం
28-02-2026
ఉదయం – మోహినీ ఉత్సవం
రాత్రి – గరుడ వాహనం
01-03-2026
ఉదయం – సూర్యప్రభ వాహనం
రాత్రి – చంద్రప్రభ వాహనం
02-03-2026
ఉదయం 11:00 నుండి మధ్యాహ్నం 1:00 వరకు – కల్యాణోత్సవం
రాత్రి – గజ వాహనం
03-03-2026
ఉదయం 9:00 నుండి రాత్రి 7:00 వరకు – చంద్రగ్రహణం సందర్భంగా ఆలయం మూసివేత
రాత్రి 8:30 నుండి – అశ్వ వాహనం
04-03-2026
ఉదయం 9:00 – రథోత్సవం
మధ్యాహ్నం 12:45 నుండి 2:00 వరకు – మిధున లగ్నంలో చక్రస్నానం
రాత్రి – ధ్వజావరోహణం
05-03-2026
ఉదయం 10:00 – తిరుప్పావడ సేవ
రాత్రి 7:30 – శయనోత్సవం
కార్యక్రమంలో ఆలయ సూపరింటెండెంట్ నాగేంద్ర ప్రసాద్, టెంపుల్ ఇన్స్పెక్టర్ కృష్ణమూర్తి, అర్చకులు మరియు భక్తులు పాల్గొన్నారు. ఈ ప్రకటనను టీటీడీ ముఖ్య ప్రజాసంబంధాల అధికారి విడుదల చేశారు.
#Punganur #Brahmotsavam #TempleFestival #AnnamayyaDistrict #AndhraPradesh
Follow us on
Website
Facebook
Instagram
YouTube 
