చాట్రాయి జడ్పీటీసీ బరిలో దిగేందుకు దార్ల వినోద్ కుమార్ ఆసక్తి వైసీపీ టికెట్ కోసం పార్టీ పెద్దలతో సంప్రదింపులు రాఘవరెడ్డి ని కలిసిన దార్ల వినోద్ కుమార్

అవకాశం కల్పించాలని దేశిరెడ్డి రాఘవరెడ్డికి విజ్ఞప్తి పార్టీ ఆవిర్భావం నుంచి పనిచేశా.. అవకాశం ఇస్తే గెలుపే లక్ష్యంగా ముందుకు సాగుతా

ఏలూరు జిల్లా, నూజివీడు నియోజకవర్గం, చాట్రాయి మండలంలో జడ్పీటీసీ ఎన్నికల రాజకీయాలు క్రమంగా వేడెక్కుతున్నాయి. చాట్రాయి జడ్పీటీసీ స్థానం ఎస్సీ జనరల్‌కు రిజర్వు కావడంతో వైఎస్సార్ కాంగ్రెస్ పార్టీ తరఫున పోటీ చేసేందుకు ఆశావహులు తమ ప్రయత్నాలను ముమ్మరం చేస్తున్నారు. ఈ క్రమంలో ఏలూరు జిల్లా వైఎస్సార్‌సీపీ డాక్టర్స్ వింగ్ కార్యదర్శి, అపోలో అధినేత దార్ల వినోద్ కుమార్ తన అభ్యర్థిత్వాన్ని పరిశీలించాలని కోరుతూ పార్టీ పెద్దలను కలవడం రాజకీయంగా ప్రాధాన్యం సంతరించుకుంది.

ఆదివారం బూరుగుగూడెం గ్రామంలో రాష్ట్ర కోఆపరేటివ్ యూనియన్ మాజీ చైర్మన్ దేశిరెడ్డి రాఘవరెడ్డిని దార్ల వినోద్ కుమార్ మర్యాదపూర్వకంగా కలిశారు. రానున్న జడ్పీటీసీ ఎన్నికల్లో చాట్రాయి స్థానం నుంచి వైఎస్సార్‌సీపీ తరఫున పోటీ చేసేందుకు తనకు అవకాశం కల్పించేలా సహకరించాలని విజ్ఞప్తి చేశారు. పార్టీ నాయకత్వం తన అభ్యర్థిత్వాన్ని పరిశీలించి టికెట్ కేటాయించేలా చొరవ తీసుకోవాలని కోరారు. చాట్రాయి మండలంలో పార్టీ తరఫున ప్రజల్లోకి వెళ్లి ఎన్నికల బరిలో నిలిచేందుకు తాను సిద్ధంగా ఉన్నానని తన అభిప్రాయాన్ని వెల్లడించారు.

ఈ సందర్భంగా దార్ల వినోద్ కుమార్ మాట్లాడుతూ వైఎస్సార్ కాంగ్రెస్ పార్టీ ఆవిర్భావం నుంచి పార్టీ కోసం తన వంతు కృషి చేస్తున్నానని తెలిపారు. పార్టీ పట్ల తనకున్న నిబద్ధతను గుర్తించి జడ్పీటీసీగా పోటీ చేసే అవకాశం కల్పించాలని కోరారు. చాట్రాయి జడ్పీటీసీ స్థానానికి తనకు టికెట్ కేటాయిస్తే గెలుపే లక్ష్యంగా పనిచేస్తానని ధీమా వ్యక్తం చేశారు. పార్టీ శ్రేణుల సహకారంతో ప్రజల్లోకి వెళ్లి తన బలాన్ని నిరూపించుకోవడానికి సిద్ధంగా ఉన్నానని పేర్కొన్నారు.

టికెట్‌పై ఆశలు.. నాయకత్వం నిర్ణయంపై ఆసక్తి

చాట్రాయి జడ్పీటీసీ స్థానం ఎస్సీ జనరల్‌కు రిజర్వు కావడంతో అభ్యర్థిత్వం కోసం జరుగుతున్న ప్రయత్నాలు స్థానిక రాజకీయాల్లో చర్చనీయాంశంగా మారుతున్నాయి. ఈ నేపథ్యంలో దార్ల వినోద్ కుమార్ తన అభ్యర్థిత్వాన్ని పార్టీ పెద్దల దృష్టికి తీసుకెళ్లడం ప్రాధాన్యం సంతరించుకుంది. అయితే ఆయన అభ్యర్థిత్వంపై పార్టీ నాయకత్వం ఎలాంటి నిర్ణయం తీసుకుంటుందనేది వేచి చూడాల్సి ఉంది. పార్టీ ఆవిర్భావం నుంచి చేసిన సేవలు, తనకు ఉన్న పరిచయాలు, పార్టీ శ్రేణులతో సమన్వయం వంటి అంశాలను పరిగణనలోకి తీసుకుని అవకాశం కల్పించాలని ఆయన కోరుతున్నారు.

ఈ భేటీ అనంతరం దేశిరెడ్డి రాఘవరెడ్డిని దార్ల వినోద్ కుమార్ కుటుంబ సభ్యులు ఘనంగా సన్మానించారు. ఈ కార్యక్రమంలో కుటుంబ సభ్యులు పాల్గొన్నారు.

చాట్రాయి జడ్పీటీసీ టికెట్ ఎవరికి దక్కుతుంది, పార్టీ నాయకత్వం ఎవరిని బరిలోకి దింపుతుంది అనే అంశాలపై స్థానిక వైసీపీ శ్రేణుల్లో ఆస

క్తి నెలకొంది.