చాట్రాయి మండలంలో కృష్ణాష్టమి సందర్భంగా వివిధ గ్రామాల అంగన్‌వాడీ కేంద్రాల్లో వేడుకలు

ఏలూరు జిల్లా నూజివీడు నియోజకవర్గం చాట్రాయి మండలంలోని వివిధ గ్రామాల అంగన్‌వాడీ కేంద్రాల్లో కృష్ణాష్టమి వేడుకలను ఘనంగా నిర్వహించారు. చాట్రాయి సెక్టార్ పరిధిలోని వివిధ అంగన్‌వాడీ కేంద్రాల్లో చిన్నారులు శ్రీకృష్ణుడి వేషధారణలో అలరించారు. అంగన్‌వాడీ సిబ్బంది ఆధ్వర్యంలో చిన్నారులతో ప్రత్యేక కార్యక్రమాలు నిర్వహించి కృష్ణాష్టమి విశిష్టతను వివరించారు.

జనార్ధనవరం అంగన్‌వాడీ కేంద్రంలో శివకుమారి, అరుగోలనుపేటలో జమలమ్మ, కోటపాడులో పద్మజ, చీపురుగూడెంలో బేబీ ఆధ్వర్యంలో కృష్ణాష్టమి వేడుకలు నిర్వహించారు. చిన్నారులు శ్రీకృష్ణుడు, గోపికల వేషధారణలో పాల్గొని సందడి చేశారు.

ఈ సందర్భంగా చిన్నారులకు కృష్ణాష్టమి పండుగ ప్రాధాన్యతను అంగన్‌వాడీ సిబ్బంది వివరించారు. సంప్రదాయ పద్ధతిలో వేడుకలు నిర్వహించడంతో ఆయా కేంద్రాల్లో పండుగ వాతావరణం నెలకొంది.