స్థానిక ఎన్నికలపై చంద్రబాబు టెలీకాన్ఫరెన్స్‌.. రెబల్స్‌కు సస్పెన్షన్‌ హెచ్చరిక

ఆంధ్రప్రదేశ్‌లో స్థానిక సంస్థల ఎన్నికల నేపథ్యంలో పార్టీ ముఖ్య నేతలతో ముఖ్యమంత్రి చంద్రబాబు టెలీకాన్ఫరెన్స్‌ నిర్వహించారు. కూటమి ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలను ప్రజలకు వివరించాలని నేతలకు సూచించారు. కూటమి పార్టీల మధ్య సమన్వయం పెంపొందించుకోవాలని, మిత్రధర్మాన్ని పాటిస్తూ ఎన్నికల్లో ముందుకు సాగాలని స్పష్టం చేశారు. పార్టీ నిర్ణయాలకు వ్యతిరేకంగా రెబల్‌ అభ్యర్థులుగా బరిలో నిలిచిన వారు నామినేషన్లు ఉపసంహరించుకోవాలని సూచించారు. పార్టీ ఆదేశాలను పట్టించుకోకుండా పోటీలో కొనసాగితే సస్పెన్షన్‌ చర్యలు తీసుకుంటామని హెచ్చరించినట్లు సమాచారం.