మంత్రి కొలుసు పార్థసారథిని మర్యాదపూర్వకంగా కలిసిన చింతగుంట్ల వెంకటేశ్వరరావు

ఏలూరు జిల్లా, నూజివీడు నియోజకవర్గం, చాట్రాయి మండలం కృష్ణారావుపాలెంకు చెందిన మాజీ ఎంపీటీసీ చింతగుంట్ల వెంకటేశ్వరరావు జనసేన పార్టీలో చేరిన అనంతరం రాష్ట్ర మంత్రి కొలుసు పార్థసారథిని మర్యాదపూర్వకంగా కలిశారు. ఈ సందర్భంగా మంత్రి కొలుసు పార్థసారథి మాట్లాడుతూ స్థానిక సంస్థల ఎన్నికల్లో కూటమి నాయకులు, కార్యకర్తలు అందరూ కలిసికట్టుగా పనిచేయాలని పిలుపునిచ్చారు. ఎన్నికల్లో గెలుపే లక్ష్యంగా సమన్వయంతో ముందుకు సాగాలని, పార్టీ అభ్యర్థుల విజయానికి ప్రతి ఒక్కరూ కృషి చేయాలని కోరారు. నాయకులు, కార్యకర్తల మధ్య ఐక్యతతో ఎన్నికల బరిలోకి దిగి లక్ష్య సాధన దిశగా పనిచేయాలని సూచించారు. ఈ కార్యక్రమంలో జనసేన పార్టీ నాయకులు, కార్యకర్తలు పాల్గొన్నారు

.