లారీ ఢీకొని చిట్యాల మున్సిపల్ నైట్‌ వాచ్‌మెన్‌ మృతి
తెలంగాణ
/
నల్గొండ
/
చిట్యాల
NTODAY NEWS చిట్యాల
నల్గొండ జిల్లా చిట్యాల మున్సిపాలిటీ పరిధిలోని కనకదుర్గ ఆలయం ఎదురుగా గురువారం జరిగిన రోడ్డు ప్రమాదంలో ఓ వ్యక్తి మృతి చెందాడు. హైదరాబాద్‌ నుంచి భువనగిరి వైపు వెళ్తున్న లారీని మలుపు తిప్పే క్రమంలో ప్రమాదం జరిగినట్లు సమాచారం. ఈ ప్రమాదంలో చిట్యాల మున్సిపాలిటీలో నైట్‌ వాచ్‌మెన్‌గా పనిచేస్తున్న పాల మల్లయ్య లారీ ఢీకొని అక్కడికక్కడే మృతి చెందాడు. సమాచారం అందుకున్న పోలీసులు ఘటనాస్థలికి చేరుకుని పరిశీలించారు. కేసు నమోదు చేసి ప్రమాదానికి గల కారణాలపై దర్యాప్తు చేపట్టినట్లు తెలిసింది.
