జరుగుమల్లి మండలంలో ఊపందుకున్న కూటమి ఎన్నికల ప్రచారం

దావగూడూరులో ఇంటింటి ప్రచారం నిర్వహించిన ఎంపీపీ, జడ్పీటీసీ అభ్యర్థులు

జరుగుమల్లి | ఎన్ టుడే న్యూస్‌:

జరుగుమల్లి మండలంలో తెలుగుదేశం పార్టీతో పాటు కూటమి అభ్యర్థుల ఎన్నికల ప్రచారం ఊపందుకుంది. కూటమి పొత్తులో భాగంగా ఎంపీపీ అభ్యర్థి జోసెఫ్, జడ్పీటీసీ అభ్యర్థి పాతూరి కోటేశ్వరరావు నేతృత్వంలో శనివారం మండలంలోని దావగూడూరు గ్రామంలో విస్తృత ప్రచారం నిర్వహించారు.

ఇంటింటికీ వెళ్లి కూటమి మ్యానిఫెస్టో వివరణ

ప్రచారంలో భాగంగా అభ్యర్థులు, కూటమి నాయకులు ఇంటింటికీ వెళ్లి ప్రజలను కలుసుకున్నారు. కూటమి మ్యానిఫెస్టోతో పాటు అభివృద్ధి, సంక్షేమ పథకాల గురించి వివరించారు. ఎన్నికల్లో తమకు మద్దతు తెలిపి గెలిపించాలని ఓటర్లను అభ్యర్థించారు.

ఈ కార్యక్రమంలో మండల స్థాయి ముఖ్య నాయకులతో పాటు జనసేన, బీజేపీ, తెలుగుదేశం పార్టీల నాయకులు, కార్యకర్తలు పాల్గొన్నారు. మహిళలు, యువకులు పెద్ద సంఖ్యలో హాజరై ప్రచార కార్యక్రమాన్ని విజయవంతం చేశారు.