అయ్యప్ప భక్తుల పాదయాత్రకు కాంగ్రెస్ నాయకుల శుభాకాంక్షలు

శబరిమల యాత్ర విజయవంతం కావాలని ఆకాంక్ష

భక్తులకు ఆయురారోగ్యాలు, సుఖసంతోషాలు కలగాలని ప్రార్థన

సంగారెడ్డి జిల్లా | ఎన్ టుడే న్యూస్: శ్రీనివాస్ రెడ్డి గురుస్వామి ఆధ్వర్యంలో అయ్యప్ప స్వామి భక్తులు చేపట్టిన శబరిమల పాదయాత్ర సందర్భంగా సంగారెడ్డి జిల్లా డీసీసీ వర్కింగ్ ప్రెసిడెంట్ పర్స శ్యామ్ రావు, ఎస్.ఎస్. రెడ్డి, బుచ్చిరెడ్డి, గట్టుపల్లి విష్ణు తదితరులు భక్తులకు శుభాకాంక్షలు తెలిపారు.

ఈ సందర్భంగా అయ్యప్ప స్వామి భక్తుల పాదయాత్ర విజయవంతంగా సాగాలని ఆకాంక్షించారు. స్వామివారి కృపతో భక్తులందరికీ ఆయురారోగ్యాలు, సుఖసంతోషాలు కలగాలని ప్రార్థించారు. యాత్ర సుఖంగా పూర్తై, భక్తులందరూ క్షేమంగా తిరిగి రావాలని కోరుకున్నారు.