డిప్యూటీ సీఎం కార్యాలయంలో నేడు ప్రత్యేక ఆకర్షణగా కుంకీ ఏనుగులు

డిప్యూటీ సీఎం కార్యాలయంలో నేడు ప్రత్యేక ఆకర్షణగా కుంకీ ఏనుగులు

డిప్యూటీ సీఎం పవన్ కళ్యాణ్ కార్యాలయం నేడు ప్రత్యేక సందడికి వేదిక కానుంది. అటవీ శాఖ ఆధ్వర్యంలో కుంకీ ఏనుగులను కార్యాలయానికి తీసుకురానుండగా, ఉదయం 9:30 గంటలకు పవన్ కళ్యాణ్ వాటికి ఘనంగా స్వాగతం పలకనున్నారు. అనంతరం స్వయంగా ఆహారం అందించి వాటితో కొద్దిసేపు గడపనున్నారు.

అడవి ఏనుగుల నియంత్రణ, రక్షణ చర్యల్లో కీలక పాత్ర పోషించే కుంకీ ఏనుగుల సేవలను గుర్తిస్తూ ఈ కార్యక్రమం నిర్వహిస్తున్నట్లు సమాచారం. ఈ సందర్భంగా అటవీ శాఖ అధికారులు కుంకీ ఏనుగుల శిక్షణ, వాటి వినియోగం, అటవీ సంరక్షణలో వాటి పాత్రపై పవన్ కళ్యాణ్‌కు వివరించనున్నారు. ఈ కార్యక్రమాన్ని వీక్షించేందుకు అధికారులు, సిబ్బంది, ప్రజాప్రతినిధులు కూడా హాజరుకానున్నారు. కుంకీ ఏనుగుల రాకతో డిప్యూటీ సీఎం కార్యాలయం పరిసరాల్లో ప్రత్యేక సందడి నెలకొననుంది.