చిట్యాలలో ఘనంగా మున్సిపల్ కార్మికుల 'దసరా ఆలై-బలై'
తెలంగాణ మలిదశ ఉద్యమకారుల సంక్షేమ సంఘం రాష్ట్ర అధ్యక్షులు కూనూరు సంజయ్ దాస్ గౌడ్ ఆధ్వర్యంలో చిట్యాలలో మున్సిపల్ కార్మికులతో కలిసి 'దసరా ఆలై-బలై' వేడుకలను ఘనంగా నిర్వహించారు. దసరా పండుగను పురస్కరించుకుని వరుసగా మూడో ఏడాది ఈ కార్యక్రమాన్ని చేపట్టడం విశేషం. ఈ సందర్భంగా పట్టణ పారిశుధ్యంలో కీలక పాత్ర పోషిస్తున్న 45 మంది మున్సిపల్ కార్మికులను శాలువాలతో ఘనంగా సన్మానించారు. అనంతరం కొత్త బట్టల నిమిత్తం ఒక్కొక్కరికి రూ. 500 చొప్పున మొత్తం రూ. 22,500 నగదును అందజేశారు. ఈ కార్యక్రమంలో సంజయ్ దాస్ గౌడ్ మాట్లాడుతూ మనం పండుగలు ఇంట్లో సంతోషంగా జరుపుకుంటున్నామ దానికి కారణం ఈ పారిశుధ్య కార్మికులే అని అన్నారు. వారి శ్రమను గుర్తించి గౌరవించుకోవడం మన బాధ్యత" అని పేర్కొన్నారు. ప్రతి కార్మికునికి రూ. 5 లక్షల ప్రమాద బీమా:
ఈ వేదికగా తమ సంఘం తరఫున ప్రతి మున్సిపల్ కార్మికునికి రూ. 5 లక్షల ప్రమాద బీమా చేయిస్తామని సంజయ్ దాస్ గౌడ్ ప్రకటించగా, కార్మికులు హర్షం వ్యక్తం చేశారు.
ఈ కార్యక్రమంలో మున్సిపల్ కార్మిక నాయకులు పాల లక్ష్మయ్య, రుద్రవరం ఇస్తారీ, గుండె దుర్గయ్య, దొడ్డి బిక్ష్మయ్య, జనపాల జ్యోతి, పులిగిల్ల పద్మ, బాకీ అండాలు, పోకల లావణ్యతో పాటు పలువురు తెలంగాణ ఉద్యమకారులు, సంఘం నాయకులు పాల్గొన్నారు.
