దసరా పండుగ వేళ పాడి రైతులకు కానుక.. పాల క్యాన్ల పంపిణీతో రైతుల్లో ఆనందం

ఏలూరు జిల్లా నూజివీడు నియోజకవర్గం చాట్రాయి మండలం పర్వతాపురం గ్రామంలోని కృష్ణా మిల్క్ యూనియన్ సొసైటీలో దసరా పండుగ సందర్భంగా పాడి రైతులకు పాల క్యాన్లను పంపిణీ చేశారు. సొసైటీకి ప్రతిరోజూ పాలు పోస్తూ పాల ఉత్పత్తి రంగానికి తమ వంతు సహకారం అందిస్తున్న రైతులకు పండుగ వేళ పాల క్యాన్లను అందించడం ప్రత్యేకతను సంతరించుకుంది. పాడి రైతులను ప్రోత్సహించడంతో పాటు వారి అవసరాలకు ఉపయోగపడే విధంగా ఈ పంపిణీ కార్యక్రమాన్ని నిర్వహించారు. పాడి పరిశ్రమపై ఆధారపడి జీవనం సాగిస్తున్న రైతులకు ఇటువంటి ప్రోత్సాహం ఎంతో ఉపయోగకరంగా ఉంటుందని కార్యక్రమంలో పాల్గొన్నవారు పేర్కొన్నారు. రైతుల సంక్షేమానికి ప్రాధాన్యతనిస్తూ పండుగ సందర్భంగా పాల క్యాన్లను అందించడం పాడి రైతుల్లో సంతోషాన్ని నింపింది. ఈ కార్యక్రమంలో సొసైటీ అధ్యక్షురాలు మిద్దె శైలజ, మాజీ సర్పంచ్ మిద్దె శివాజీ, మిద్దె బాలకృష్ణతో పాటు పలువురు పాడి రైతులు, గ్రామ పెద్దలు పాల్గొన్నారు.