గుండేడు గ్రామంలో స్మార్ట్ రేషన్ కార్డుల పంపిణీ

రూ.1.5 కోట్ల హెచ్‌ఎండీఏ నిధులతో అండర్‌గ్రౌండ్ డ్రైనేజీ, సీసీ రోడ్డు పనులకు శంకుస్థాపన

బాలానగర్: మండలంలోని గుండేడు గ్రామంలో జడ్చర్ల ఎమ్మెల్యే అనిరుధ్ రెడ్డి పర్యటించారు. ఈ సందర్భంగా గ్రామస్తులకు స్మార్ట్ రేషన్ కార్డులను పంపిణీ చేశారు. అనంతరం హెచ్‌ఎండీఏ నిధుల నుంచి మంజూరైన రూ.1.5 కోట్లతో చేపట్టనున్న అండర్‌గ్రౌండ్ డ్రైనేజీ, సీసీ రోడ్డు నిర్మాణ పనులకు శంకుస్థాపన చేశారు.

గ్రామంలో మౌలిక సదుపాయాల అభివృద్ధిలో భాగంగా చేపట్టనున్న ఈ పనులతో ప్రజలకు ప్రయోజనం కలగనుంది.

ఈ కార్యక్రమంలో గుండేడు గ్రామ సర్పంచ్ శశివర్ణ పవన్ కుమార్, వార్డు సభ్యులు, కాంగ్రెస్ పార్టీ నాయకులు, స్థానిక మండల రెవెన్యూ అధికారి (ఎంఆర్‌ఓ), యువకులు, గ్రామస్థులు పాల్గొన్నారు.