పారిశుద్ధ్య కార్మికులకు యూనిఫార్ములు, రక్షణ పరికరాల పంపిణీ

• విధి నిర్వహణలో రక్షణ పరికరాలు తప్పనిసరిగా ధరించాలి

వరంగల్ | ఎన్ టుడే న్యూస్: గ్రేటర్ వరంగల్ మున్సిపల్ కార్పొరేషన్ (GWMC) ప్రధాన కార్యాలయంలో పారిశుద్ధ్య కార్మికులకు యూనిఫార్ములు, అప్రాన్లు, బూట్లు, గ్లౌజులను కమిషనర్ టి. వెంకన్న పంపిణీ చేశారు. కలెక్టర్, జీడబ్ల్యూఎంసీ ప్రత్యేక అధికారి ఛాహత్ బాజ్‌పాయ్‌తో కలిసి ఈ కార్యక్రమంలో పాల్గొన్నారు.

ఈ సందర్భంగా కమిషనర్ టి. వెంకన్న మాట్లాడుతూ, పారిశుద్ధ్య కార్మికులు విధి నిర్వహణ సమయంలో తప్పనిసరిగా యూనిఫార్మ్‌తో పాటు రక్షణ పరికరాలను ధరించాలని సూచించారు. కార్మికుల ఆరోగ్యం, వ్యక్తిగత భద్రతను కాపాడటంలో ఈ పరికరాలు కీలక పాత్ర పోషిస్తాయని పేర్కొన్నారు.

ప్రతి కార్మికుడు తమ భద్రతకు ప్రాధాన్యతనిస్తూ రక్షణ పరికరాలను క్రమం తప్పకుండా వినియోగించాలని సూచించారు.