హైదరాబాద్‌కు వస్తున్న బస్సులో రూ.1.1 కోట్ల విలువైన డ్రగ్స్‌ స్వాధీనం
తెలంగాణ
/
హైదరాబాద్
Seetha Kiran Kumar
హన్మకొండ మండలం
- భోపాల్‌ నుంచి వచ్చిన ప్రయాణికుల బస్సులో తనిఖీలు
- స్లీపర్ బెర్త్‌ల పరుపుల మధ్య నాలుగు ప్యాకెట్లలో మెథాంఫెటమైన్‌ గుర్తింపు
- పరుపుల మధ్య డ్రగ్స్‌ దాచివేత సరఫరా వెనుక ఎవరున్నారు?
హైదరాబాద్ | ఎన్ టుడే న్యూస్: భోపాల్‌ నుంచి హైదరాబాద్‌కు వచ్చిన ప్రయాణికుల బస్సులో డైరెక్టరేట్‌ ఆఫ్‌ రెవెన్యూ ఇంటెలిజెన్స్‌ (డీఆర్‌ఐ) అధికారులు భారీ మొత్తంలో మాదకద్రవ్యాలను స్వాధీనం చేసుకున్నారు. బస్సులో దాచిన 1.136 కిలోల మెథాంఫెటమైన్‌ను గుర్తించారు. దీని విలువ సుమారు రూ.1.1 కోట్లుగా అంచనా వేశారు.
బస్సులో తనిఖీలు నిర్వహించిన డీఆర్‌ఐ అధికారులు స్లీపర్ బెర్త్‌ల కింద పరుపుల మధ్య నాలుగు ప్యాకెట్లలో దాచిన మాదకద్రవ్యాలను గుర్తించారు. వాటిని స్వాధీనం చేసుకుని తదుపరి విచారణ చేపట్టినట్లు సమాచారం.
ఈ మాదకద్రవ్యాలను ఎవరు తరలిస్తున్నారు, ఎక్కడి నుంచి తీసుకొచ్చారు, ఎవరికి సరఫరా చేయాలనుకున్నారు అనే అంశాలపై అధికారులు దర్యాప్తు చేస్తున్నట్లు తెలుస్తోంది. ఈ కేసుకు సంబంధించిన మరిన్ని వివరాలు తెలియాల్సి ఉంది.
