అన్నారంలో ఘనంగా దుర్గాదేవి బోనాల ఉత్సవం

దుర్గాదేవి అవతారంలో దర్శనమిచ్చిన అమ్మవారు

డప్పు చప్పుళ్ల మధ్య ప్రధాన వీధుల్లో మహిళల బోనాల ఊరేగింపు

డొంకేశ్వర్: మండలంలోని అన్నారం గ్రామంలో దేవీ నవరాత్రి ఉత్సవాలు వైభవంగా కొనసాగుతున్నాయి. ఉత్సవాల్లో భాగంగా ఎనిమిదో రోజు అమ్మవారు దుర్గాదేవి అవతారంలో భక్తులకు దర్శనమిచ్చారు.

అన్నారం గ్రామంలో శ్రీ మహాశక్తి సేనా మండలి యూత్ ఆధ్వర్యంలో భక్తి నిలయంలో ఏర్పాటు చేసిన దుర్గామాత మండపం వద్ద ఆదివారం బోనాల ఉత్సవాన్ని నిర్వహించారు. మహిళలు భక్తిశ్రద్ధలతో బోనాలు ఎత్తుకుని గ్రామంలోని ప్రధాన వీధుల గుండా డప్పు చప్పుళ్ల మధ్య ఊరేగింపుగా వెళ్లారు.

అనంతరం దుర్గాదేవికి బోనాలను సమర్పించి ప్రత్యేక పూజలు నిర్వహించారు. ఈ కార్యక్రమంలో స్థానిక నాయకులు, మహిళలు, భక్తులు తదితరులు పాల్గొన్నారు.