గ్రామపంచాయతీ సిబ్బందికి దసరా కానుకలు

నూతన వస్త్రాలు, నిత్యావసర సరుకుల పంపిణీ

యాదాద్రి భువనగిరి, సంస్థాన్ నారాయణపురం: దసరా పండుగ సందర్భంగా సంస్థాన్ నారాయణపురం గ్రామపంచాయతీ సిబ్బందికి సర్పంచ్ ఉప్పల విజయలక్ష్మి లింగస్వామి, పాలకవర్గం ఆధ్వర్యంలో నూతన వస్త్రాలు, నిత్యావసర సరుకులు అందజేశారు.

గ్రామపంచాయతీ సిబ్బంది సేవలను గుర్తిస్తూ పండుగ వేళ వారికి కానుకలు పంపిణీ చేశారు. ఈ కార్యక్రమంలో ఉపసర్పంచ్ పల్లె మల్లారెడ్డి, జిల్లా కాంగ్రెస్ నాయకుడు మందుగుల బాలకృష్ణ, వార్డు సభ్యులు బలగూరి శివసాగర్, పందుల యాదగిరి గౌడ్, కట్ల వనజ భాస్కరాచారి, సింగపంగా ప్రశాంతి రమేష్, మండల కాంగ్రెస్ ప్రధాన కార్యదర్శి చిలువేరు శంకర్, కారోబార్ పున్నం యాదగిరి, గ్రామపంచాయతీ సిబ్బంది తదితరులు పాల్గొన్నారు.