ఎమ్మెల్యే పదవికి కొండా సురేఖ రాజీనామా చేయనున్నారా!?
మంత్రి పదవి నుంచి తప్పించడం ఖాయమనే ప్రచారం నేపథ్యంలో కొండా సురేఖ, కొండా మురళీ దంపతులు తదుపరి రాజకీయ అడుగులపై కీలక నిర్ణయం తీసుకునే అవకాశం ఉందనే చర్చ జరుగుతోంది.
కాంగ్రెస్‌ అధిష్ఠానం నిర్ణయాన్ని స్వాగతించి పార్టీలోనే కొనసాగుతామని చెప్పే పరిస్థితి కనిపించడం లేదనే ఊహాగానాలు రాజకీయ వర్గాల్లో వినిపిస్తున్నాయి. ఇప్పటికే ఢిల్లీలో కొండా సురేఖ తిరుగుబాటు ధోరణిలో మాట్లాడటం ఈ చర్చకు మరింత బలం చేకూర్చింది.
ఈ నేపథ్యంలో గురువారం వరంగల్‌లో అనుచరులతో కొండా సురేఖ సమావేశం నిర్వహించనున్నట్లు సమాచారం. ఈ సమావేశంలో భవిష్యత్‌ రాజకీయ కార్యాచరణపై కీలక ప్రకటన చేసే అవకాశం ఉందని తెలుస్తోంది.
ఎమ్మెల్యే పదవికి రాజీనామా చేస్తారా? లేక కాంగ్రెస్‌లోనే కొనసాగుతారా? అనే అంశంపై కొండా సురేఖ తీసుకునే నిర్ణయంపై రాజకీయ వర్గాల్లో తీవ్ర ఉత్కంఠ నెలకొంది.
గమనిక: పై కథనంలోని రాజీనామా అంశం ప్రస్తుతం ప్రచారం/అంచనాల ఆధారంగానే ఉంది. అధికారిక ప్రకటన వెలువడితేనే స్పష్టత రానుంది.
