అనుములంకలో రైతుల మోటార్ల వైర్లు కట్

పంట కాల్వలో పడేసిన గుర్తుతెలియని వ్యక్తులు

ఎన్టీఆర్ జిల్లా గంపలగూడెం మండలం అనుములంక గ్రామంలో గుర్తుతెలియని దుండగులు రైతుల వ్యవసాయ మోటార్ల వైర్లను కట్ చేసి, సమీపంలోని పంట కాల్వలో పడేసిన ఘటన కలకలం రేపింది. గ్రామానికి చెందిన రైతులు గొల్లమందల వెంకటేష్, గొల్లమందల రవికి చెందిన పొలాల్లో ఈ ఘటన చోటుచేసుకున్నట్లు సమాచారం. పంటలకు నీరు అందించేందుకు ఉపయోగించే వ్యవసాయ మోటార్ల వైర్లను గుర్తుతెలియని వ్యక్తులు ఉద్దేశపూర్వకంగా కట్ చేసి ధ్వంసం చేయడంతో బాధిత రైతులు ఆందోళన వ్యక్తం చేస్తున్నారు. ఇప్పటికే వ్యవసాయ పనుల్లో నిమగ్నమైన రైతులకు ఈ ఘటన ఇబ్బందికరంగా మారింది. మోటార్ల వైర్లు ధ్వంసం కావడంతో పంటలకు నీరు అందించే విషయంలో సమస్యలు ఎదురయ్యే అవకాశం ఉందని రైతులు ఆవేదన వ్యక్తం చేస్తున్నారు. రైతుల వ్యవసాయ పరికరాలను ధ్వంసం చేసిన వారిని గుర్తించి, ఘటనపై సమగ్ర విచారణ జరిపి బాధ్యులపై తగిన చర్యలు తీసుకోవాలని బాధిత రైతులు కోరుతున్నారు.