దసరా శస్త్రపూజ అనంతరం ఏకే-47తో మహిళా ఎస్పీ ఫైరింగ్
జాతీయం
గడ్డం జగన్మోహన్ రెడ్డి
ఆంధ్రప్రదేశ్ స్టేట్ బ్యూరో
ఛత్తీస్‌గఢ్‌లోని రాజ్‌నంద్‌గావ్‌ పోలీస్‌ లైన్స్‌లో ఘటన.. వైరల్‌గా మారిన వీడియో
ఛత్తీస్‌గఢ్‌: విజయదశమి సందర్భంగా ఛత్తీస్‌గఢ్‌లోని రాజ్‌నంద్‌గావ్‌ జిల్లా పోలీస్‌ లైన్స్‌లో నిర్వహించిన శస్త్రపూజ కార్యక్రమం ప్రత్యేకంగా నిలిచింది. జిల్లా ఎస్పీ అంకితా శర్మ సంప్రదాయబద్ధంగా ఆయుధాలకు పూజలు నిర్వహించిన అనంతరం ఏకే-47 రైఫిల్‌తో గాల్లోకి పలుమార్లు కాల్పులు జరిపారు.
దసరా వేడుకల్లో భాగంగా పోలీసు శాఖ వినియోగించే ఆయుధాలు, వాహనాలకు అధికారులు పూజలు నిర్వహించారు. ఈ కార్యక్రమం అనంతరం ఎస్పీ అంకితా శర్మ ఏకే-47 రైఫిల్‌తో ఫైరింగ్ చేశారు. కార్యక్రమంలో పోలీసు ఉన్నతాధికారులు, సిబ్బంది పాల్గొన్నారు.
శస్త్రపూజ అనంతరం ఎస్పీ కాల్పులు జరిపిన దృశ్యాలు వీడియోలో నమోదయ్యాయి. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది.
