ఘనంగా ఆల్ఫోర్స్ కళాశాల ఫ్రెషర్స్ పార్టీ..
ఘనంగా ఆల్ఫోర్స్ కళాశాల ఫ్రెషర్స్ పార్టీ.. ముఖ్య అతిథిగా హాజరైన ఎమ్మెల్యే ప్రేమ్ సాగర్ రావు.. ఘన సత్కారం
మంచిర్యాల మున్సిపల్ కార్పొరేషన్ పరిధిలోని కాలేజీ రోడ్డులో గల పద్మనాయక ఫంక్షన్ హాల్‌లో ఆల్ఫోర్స్ విద్యాసంస్థల చైర్మన్ నరేందర్ రెడ్డి గారి ఆధ్వర్యంలో విద్యార్థుల 'ఫ్రెషర్స్ పార్టీ' కార్యక్రమాన్ని ఘనంగా నిర్వహించారు. ఈ కార్యక్రమానికి మంచిర్యాల శాసనసభ్యులు శ్రీ కొక్కిరాల ప్రేమ్ సాగర్ రావు గారు ముఖ్య అతిథిగా హాజరయ్యారు.
ఈ సందర్భంగా ఎమ్మెల్యే ప్రేమ్ సాగర్ రావు గారు విద్యార్థులను ఉద్దేశించి మాట్లాడుతూ.. విద్యార్థులందరూ క్రమశిక్షణతో కూడిన విద్యను అభ్యసించి జీవితంలో ఉన్నత స్థాయికి ఎదగాలని సూచించారు. ప్రతి ఒక్కరూ కష్టపడి బాగా చదువుకుని, తెలంగాణ రాష్ట్రంలోనే మన మంచిర్యాల నియోజకవర్గాన్ని మొదటి స్థానంలో నిలపాలని ఆయన విద్యార్థులకు దిశానిర్దేశం చేశారు.
అనంతరం ఈ కార్యక్రమంలో పాల్గొన్న ఎమ్మెల్యే ప్రేమ్ సాగర్ రావు గారిని ఆల్ఫోర్స్ చైర్మన్ నరేందర్ రెడ్డి, కళాశాల యాజమాన్యం శాలువాతో ఘనంగా సన్మానించారు. ఈ వేడుకలో కళాశాల ఉపాధ్యాయ బృందం, భారీ సంఖ్యలో విద్యార్థినీ విద్యార్థులు, తదితరులు ఉత్సాహంగా పాల్గొన్నారు
