ఘనంగా పవన్ కల్యాణ్ జన్మదిన వేడుకలు

కేక్ కట్ చేసి అన్నదానం నిర్వహించిన జనసేన–టీడీపీ శ్రేణులు

పుంగనూరు | Ntoday News

అన్నమయ్య జిల్లా పుంగనూరులో జనసేన పార్టీ అధినేత, ఆంధ్రప్రదేశ్ ఉప ముఖ్యమంత్రి పవన్ కల్యాణ్ జన్మదిన వేడుకలను జనసేన–టీడీపీ శ్రేణులు ఘనంగా నిర్వహించారు. పుంగనూరు మండలంలోని కొమరవీధి క్రాస్ వద్ద నిర్వహించిన ఈ వేడుకల్లో నాయకులు, కార్యకర్తలు, అభిమానులు ఉత్సాహంగా పాల్గొన్నారు.

ఈ సందర్భంగా కేక్ కట్ చేసి పవన్ కల్యాణ్‌కు జన్మదిన శుభాకాంక్షలు తెలిపారు. అనంతరం ప్రజలకు అన్నదానం నిర్వహించారు. ప్రజాసేవలో పవన్ కల్యాణ్ మరింత ఉన్నత స్థానాలకు ఎదగాలని నాయకులు ఆకాంక్షించారు.

జనసేన–టీడీపీ నాయకులు, కార్యకర్తలు, అభిమానులు పెద్ద సంఖ్యలో పాల్గొని వేడుకలను విజయవంతం చేశారు.