ప్రసన్న పార్వతీదేవి అవతారంలో దర్శనమిచ్చిన చోడేశ్వరి దేవి

పుంగనూరు: అన్నమయ్య జిల్లా పుంగనూరు మండల పరిధిలోని చదళ్ల గ్రామంలో కొలువైన సప్తమాతృక సమేత శ్రీ చోడేశ్వరి దేవి అమ్మవారు బుధవారం ప్రసన్న పార్వతీదేవి అవతారంలో భక్తులకు దర్శనమిచ్చారు.

ఉదయం నుంచే ఆలయంలో వేద పండితులు పురుష సూక్తం, నారాయణ సూక్తం, మన్యు సూక్తాల పఠనంతో ప్రత్యేక హోమాలు, అభిషేకాలు నిర్వహించారు. అనంతరం అమ్మవారిని రంగురంగుల పూలతో పార్వతీదేవి అలంకారంలో ముస్తాబు చేశారు. ప్రత్యేక అలంకరణతో ఆలయం భక్తులను ఆకట్టుకుంది. అమ్మవారిని దర్శించుకునేందుకు భక్తులు పెద్ద సంఖ్యలో తరలివచ్చారు.

అనంతరం వేణుగోపాల్ రెడ్డి దంపతులు పూర్ణాహుతి కార్యక్రమంలో పాల్గొని అమ్మవారికి మహా మంగళహారతి సమర్పించారు. కార్యక్రమం ముగిసిన తరువాత ఎన్‌.వి.ఆర్. ట్రస్ట్ ఆధ్వర్యంలో భక్తులకు అన్నదానం నిర్వహించారు.