రూ.1.26 కోట్ల కరెన్సీ నోట్లతో ధనలక్ష్మిగా అమ్మవారి అలంకరణ

గిద్దలూరు వాసవి కన్యకా పరమేశ్వరి దేవస్థానంలో ఘనంగా దసరా ఉత్సవాలు

గిద్దలూరు: పట్టణంలోని వాసవి కన్యకా పరమేశ్వరి దేవస్థానంలో దసరా ఉత్సవాలు వైభవంగా కొనసాగుతున్నాయి. ఉత్సవాల్లో భాగంగా శుక్రవారం అమ్మవారిని రూ.1.26 కోట్ల విలువైన కరెన్సీ నోట్లతో ధనలక్ష్మి రూపంలో అలంకరించారు.

కరెన్సీ నోట్లతో సర్వాంగ సుందరంగా అలంకరించిన అమ్మవారు భక్తులను విశేషంగా ఆకట్టుకున్నారు. ధనలక్ష్మి రూపంలో కొలువుదీరిన అమ్మవారిని దర్శించుకునేందుకు భక్తులు పెద్ద సంఖ్యలో ఆలయానికి తరలివచ్చారు. అమ్మవారి దర్శనం చేసుకుని ప్రత్యేక పూజలు నిర్వహించారు.

దసరా ఉత్సవాల సందర్భంగా ఆలయంలో భక్తుల సందడి నెలకొంది. ధనలక్ష్మి అలంకరణ భక్తుల్లో ప్రత్యేక ఆకర్షణగా నిలిచింది.