మహిషాసురమర్దిని అలంకారంలో దర్శనమిచ్చిన కనకదుర్గాదేవి
తెలంగాణ
/
సంగారెడ్డి
Pabbineedi B Sankar
Tellapur Mandal
బీహెచ్‌ఈఎల్ సైబర్ ఎంప్లాయీస్ గేటెడ్ కమ్యూనిటీలో భక్తిశ్రద్ధలతో శరన్నవరాత్రి ఉత్సవాలు
ఉస్మాన్‌నగర్: ఉస్మాన్‌నగర్‌లోని బీహెచ్‌ఈఎల్ సైబర్ ఎంప్లాయీస్ గేటెడ్ కమ్యూనిటీలో శ్రీ కనకదుర్గాదేవి శరన్నవరాత్రి మహోత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా తొమ్మిదో రోజు అమ్మవారు శ్రీ మహిషాసురమర్దిని దేవి అలంకారంలో భక్తులకు దర్శనమిచ్చారు.
ఈ సందర్భంగా అమ్మవారికి ప్రత్యేక పూజలు నిర్వహించి మహా హారతి సమర్పించారు. అనంతరం నిర్వహించిన సాంస్కృతిక కార్యక్రమాలు, భక్తి గీతాలు భక్తులను ఆకట్టుకున్నాయి.
కమ్యూనిటీ వాసులు, భక్తులు పెద్ద సంఖ్యలో పాల్గొని అమ్మవారిని దర్శించుకుని ప్రత్యేక పూజలు చేశారు. దీంతో ఉత్సవ ప్రాంగణం భక్తుల సందడితో కళకళలాడగా, పరిసరాల్లో భక్తిమయ వాతావరణం నెలకొంది.
